متحدہ عرب امارات کے صدر شیخ محمد بن زید آل نہیان کی جانب سے آرمی چیف جنرل جنرل قمر جاوید باجوہ کو آرڈر آف دی یونین کے میڈل سے نوازا گیا۔ آرمی چیف کو یہ میڈل دونوں ممالک کے درمیان دوطرفہ تعلقات کو آگے بڑھانے میں اہم کردار ادا کرنے پر دیا گیا۔
پاک افواج کے شعبہ ذرائع ابلاغ (آئی ایس پی آر) نے سوشل میڈیا پر آرمی چیف کو میڈل ملنے کی ویڈیوز اور تصاویر شیئر کرتے ہوئے تفصیلات سے آگاہ کیا۔
#COAS called on H.H Sheikh Mohamed Bin Zayed Al Nahyan, President of UAE. Matters of mutual interest, bilateral defence & security cooperation and regional security situation discussed. The leaders agreed that Pakistan and UAE share a great history of cordial relations (1/2) pic.twitter.com/A1U8nXyhtS
— DG ISPR (@OfficialDGISPR) August 17, 2022
آئی ایس پی آر کے مطابق متحدہ عرب امارات کے صدر شیخ محمد بن زاید آل نہیان اور پاک افواج کے سربراہ جنرل قمر جاوید باجوہ کے درمیان 16 اگست بروز منگل کو مجلس قصر البحر ابوظبی میں اہم ملاقات ہوئی۔ اس موقع پر امارات کے صدر نے پاکستان کے آرمی چیف کو ‘آرڈر آف دی یونین’ اعزاز پیش کیا۔
شیخ محمد بن زاید آل نہیان نے دونوں دوست ملکوں کے درمیان مشترکا تعاون کی جڑیں گہری کرنے کے سلسلے میں موثر کردار ادا کرنے اور تعلقات کو مضبوط بنانے کے سلسلے میں منفرد کوششوں کے اعتراف میں جنرل قمر جاوید باجوہ کو وسام الاتحاد اعزاز سے نوازا۔
یہ میڈل متحدہ عرب امارات کی جانب سے برادر اور دوست ممالک کے اعلی عہدیداروں کو دیا جانے والا ملک کا دوسرا بڑا اعزاز ہے۔
شیخ محمد بن زید ال نہیان نے کہا کہ امارات اور پاکستان کو گہرے تاریخی رشتے ایک دوسرے سے جوڑے ہوئے ہیں۔ مختلف سطحوں پر دوطرفہ تعلقات کو مستحکم بنائے رکھنے کی مشترکہ خواہش باہمی رشتوں کے استحکام کا باعث ہے۔
