-
-
پاکستان نے ایران کی جانب سے فضائی حدود کی خلاف ورزی اور جارحیت کا بھرپور جواب دیا ہے۔ ترجمان دفتر خارجہ کے مطابق پاکستان نے ایرانی صوبے سیستان میں دہشتگردوں کے ٹھکانوں پر بھرپور فوجی کارروائی کی ہے۔
ترجمان کے مطابق پاکستان کی جانب سے ایران پر کی جانے والی جوابی کارروائی کیلئے آپریشن کا نام آپریشن مرگ برسرمچار رکھا گیا ہے۔ جسکا مطلب حملے کے ذریعے تباہی کرنا کے ہیں۔
آج نیوز کی رپورٹ کے مطابق سرمچار ایک اصطلاح ہے جو بلوچستان میں حملے کرنے والے اپنے لیے استعمال کرتے ہیں۔ جبکہ مرگ بر سے مراد تباہی یا اُن پر موت کا آنا ہے۔
دفترخارجہ کے مطابق پاکستان نے آپریشن مرگ برسرمچار کے ذریعے سیستان میں دہشت گردوں کی مخصوص پناہ گاہوں کو نشانہ بنایا، اس فوجی کارروائی کے دوران متعدد دہشتگرد مارے گئے۔
دفترخارجہ کا کہنا ہے کہ پاکستان کئی سال سے ایران میں دہشت گردوں کی پناہ گاہوں پرتحفظات کااظہارکرتارہا ہے۔ پاکستان نے دہشت گردوں جو خود کو سرمچار کہلاتے ہیں کی موجودگی سےمتعلق متعدد ڈوزیئربھی شیئرکیے۔
ترجمان دفتر خارجہ پاکستان کے مطابق مصدقہ انٹیلی جنس کی بنیادپرنام نہاد سرمچاروں کےخلاف کارروائی کی گئی ہے اور پاکستان اپنے عوام کے تحفظ، سلامتی کیلئے تمام ضروری اقدامات کرتا رہےگا۔
