-
-
پاکستان میں آج اقلیتوں کا قومی دن منایا جارہا ہے، یہ دن قائد اعظم کی 11 اگست 1947 کی تاریخ ساز تقریر کی یاد اور ان کے افکار کی روشنی میں منایا جاتا ہے۔
تفصیلات کے مطابق پاکستان میں آج سرکاری سطح پر اقلیتوں کا قومی دن منایا جا رہا ہے، یہ دن سنہ 2009 سے ہر سال 11 اگست کو منایا جاتا ہے۔ اس دن کو منانے کا آغاز 2009 میں پیپلز پارٹی کے دور حکومت میں وزیراعظم یوسف رضا گیلانی نے کیا تھا۔
اقلیتوں کے قومی دن کے موقع پر وزیراعظم شہباز شریف نے اپنے پیغام میں کہا کہ غیرمسلم پاکستانیوں کو خراج تحسین پیش کرتا ہوں۔ ملک کی سماجی و اقتصادی ترقی میں اقلیتوں کے کردار کو سراہتے ہیں۔
On the National Day of Minorities, I join the nation in paying rich tributes to our non Muslim Pakistanis. We thank them for the commendable role they have played for the socio-economic development of the motherland. The idea of Pakistan is incomplete without our minority…
— Shehbaz Sharif (@CMShehbaz) August 11, 2023
وزیراعظم نے لکھا کہ اقلیتوں کے بغیر پاکستان کا تصور نامکمل ہے اور پاکستانی قومیت میں اقلیتوں کا بہت اہم حصہ ہے۔ اقلیتوں کی ترقی اور معاشرے میں ان کی شمولیت کے لیے مزید کاوشوں کے عزم کا عیادہ کرتا ہوں۔
صدر مملکت ڈاکٹر عارف علوی نے اقلیتوں کے دن کے موقع پر اپنے پیغام میں کہا کہ ہر سال 11 گست کا دن پاکستان میں اقلیتوں کے دن کے طور پر منایا جاتا ہے، آج کے اس پرمسرت دن کے موقع پر میں قوم کی تعمیر کے عمل میں اقلیتوں کے اہم کردار کو اجاگر کرنا چاہتا ہوں ، ہم ملکی ترقی میں اقلیتوں کے کردار کا اعتراف کرتے ہیں اور انہیں اس پر سراہتے ہیں۔
صدر مملکت ڈاکٹر عارف علوی کا اقلیتوں کے دن کے موقع پر پیغام pic.twitter.com/eKayDw3b8b
— The President of Pakistan (@PresOfPakistan) August 11, 2023
صدر مملکت نے کہا کہ مجھے خوشی ہے کہ پاکستان میں اقلیتوں کو آئین ِپاکستان میں ضمانت کردہ تمام سیاسی، معاشی اور سماجی حقوق حاصل ہیں، آئین تمام شہریوں کو ان کے مذہبی عقائد یا نسل سے قطع نظر سیاسی، معاشی اور سماجی حقوق کی ضمانت دیتا ہے۔
