-
-
پاکستان تحریک انصاف کے چیئرمین عمران خان نے عوام سے ہفتہ کو چیف جسٹس عمرعطاء بندیال سے اظہار یکجہتی کیلئے ریلیاں نکالنے کا اعلان کردیا۔
سابق وزیراعظم عمران خان نے اپنے ویڈیو پیغام میں کہا کہ بروز ہفتہ نماز مغرب سے ایک گھنٹہ پہلے ہر شخص اپنے گھروں، گلی، محلوں سے چیف جسٹس کے ساتھ اظہارِ یکجہتی اور آئین کی حکمرانی کے لئے باہر نکلے۔
عمران خان کا کہنا تھا کہ ہمارا ملک تاریخ کے ایک فیصلہ کن موڑ پر کھڑا ہے، پاکستان میں تاریخی مہنگائی اور بیروزگاری عروج پر ہے، ہمارے ملک پر مافیا کا قبضہ ہے۔
چیئرمین پی ٹی آئی عمران خان نے مزید کہا کہ اس حکومت کو الیکشن میں شکست کا خوف ہے، حکومت پاکستان کا آئین اور سپریم کورٹ تباہ کرنے پر تلی ہوئی ہے۔
چئیرمین عمران خان کا اسلام آباد عدالت پیشی سے قبل اہم ویڈیو پیغام- 1/2 #عمران_خان_ہماری_ریڈ_لائن
pic.twitter.com/0XmmdoFSDw— PTI (@PTIofficial) May 4, 2023
عمران خان کا کہنا تھا کہ یہ مافیا چیف جسٹس اور ججز کے خلاف پروپیگنڈہ کررہا ہے، میں قوم سے اپیل کرتا ہوں بروز ہفتہ نماز مغرب سے ایک گھنٹہ پہلے ہر شخص اپنے گھروں، گلی، محلوں سے چیف جسٹس کے ساتھ اظہارِ یکجہتی اور آئین کی حکمرانی کے لئے باہر نکلے۔
عمران خان کا کہنا تھا لاہور ، راولپنڈی ، اسلام آباد اور پشاور میں ریلیاں نکالی جائیں گی اور وہ لاہور میں ہونے والی ریلی کی قیادت کریں گے۔ عمران خان کا کہنا تھا کہ ریلیوں کا مقصد چیف جسٹس عمرعطا بندیا کو بچانا ہے۔
