-
-
پاکستان کے مختلف شہروں میں ٹیلی نار استعمال کرنے والے صارفین کو مشکلات کا سامنا ہے۔ فون کالز ، میسجز اور ڈیٹا سروس کے استعمال میں مشکلات کا سامنا ہے۔ ٹیلی نار نے بھی مسئلہ کی تصدیق کردی ہے۔
سماجی رابطے کی ویب سائٹ ٹوئٹر پر ایک پیغام میں کمپنی نے بتایا کہ متعدد آپٹیکل فائبر کٹ جانے سے سروس متاثر ہوئی ہے۔
پیغام میں کمپنی نے بتایا سروس پرووائڈر نیٹ ورکس کے متعدد آپٹیکل فائبر کٹ جانے سے متعدد مقامات پر ٹیلی نار سروس متاثر ہوئی ہے۔ کمپنی کی جانب سے سروس کی بحالی کے ہنگامی بنیادوں پر اقدامات کیے جارہے ہیں اور کوشش کی جارہی ہے کہ صارفین اس سے کم از کم متاثر ہوں۔
ٹیلی نار کی جانب سے جاری کئے گئے بیان میں آپٹیکل فائبر کے مسئلے کی وجہ بیان نہیں کی گئی اور نہ ہی بتایا گیا کہ ملک کے کن مقامات پر صارفین اس سے متاثر ہوئے ہیں۔ بیان میں یہ بھی واضح نہیں کیا گیا کہ سروس کی بحالی میں کتنا وقت لگے گا۔
