-
-
کراچی میں سال 2023ء میں کتے کے کاٹنے (ریبیز) سے پہلی ہلاکت رپورٹ ہوئی ہے۔ ملیر کا رہائشی پانچ سالہ بچہ دوران علاج انتقال کر گیا۔
انڈس اسپتال کی انتظامیہ کے مطابق کراچی کے علاقے ملیر میں 5 سالہ بچے ساوند ولد صادق کو تین ماہ قبل کتنے کاٹا تھا، جسے اینٹی ریبیز ویکسین نہیں لگائی گئی تھی۔
انتظامیہ کا کہنا ہے کہ بچے کو ربیز کی علامات ظاہر ہونے کے بعد انڈس اسپتال منتقل کیا گیا، دوران علاج بچہ اسپتال میں انتقال کرگیا۔
کراچی میں روزانہ کتے کے کاٹنے کے درجنوں کیسز رپورٹ ہوتے ہیں۔ محکمہ صحت سندھ کے مطابق گزشتہ سال کراچی میں کتے کے کاٹنے کے 31 ہزار کیسز رپورٹ ہوئے تھے۔ جس میں سے 4 افراد جاں بحق ہوئے۔
رپورٹ کے مطابق شہر کے بیشتر سرکاری اسپتالوں میں کتے کے کاٹنے کی اینٹی ربیز ویکسین دستیاب نہیں ہے جبکہ شہر میں آوارہ کتوں کو ختم کرنے یا شہر سے دور منتقل کرنے کا بھی کئی نظام نہیں ہے۔
