-
-
کراچی کے مستند سیفی ٹیکنیکل کالج کو ٹرسٹ کے حوالے کرنے کے خلاف درخواست کی سماعت میں ڈائریکٹر کی عدم پیشی پر عدم نے برہمی کا اظہار کیا۔
سندھ ہائی کورٹ میں سیفی ٹیکنیکل کالج کو ٹرسٹ کے حوالے کرنے کے خلاف درخواست کی سماعت ہوئی۔ عدالتی حکم کے باوجود ڈائریکٹر اسٹیوٹا پیش نہ ہوئے جس پر ججز نے سخت برہمی کا اظہار کیا۔
عدالت ڈائریکٹر اسٹیوٹا کو 5 دسمبر کو مکمل ریکارڈ اور رپورٹ کے ساتھ پیش ہونے کا حکم دیا۔ جج کا کہنا تھا کہ اگر ڈائریکٹر اسٹیوٹا پیش نہ ہوئے تو سخت حکم جاری کرنا پڑے گا۔
درخواست گزار کے وکیل ایڈوکیٹ عثمان فاروق نے عدالت کو بتایا کہ کالج کو ٹرسٹ کے حوالے کیا جارہا ہے اور غیر واضح معاہدے سے طلباء کا مستقبل داؤ پر لگ گیا ہے۔
وکیل کے مطابق ضلع کے واحد ٹیکنیکل کالج میں سینکڑوں طلبا انجنیرنگ کی تعلیم حاصل کررہے ہیں کالج کا انتظام ٹرسٹ سے واپس لیا جائے۔ مستند تعلیمی ادارے کو کسی ٹرسٹ کے حوالے کرنے کا کوئی جواز نہیں۔ غیرقانونی فیصلہ سے طلبا میں شدید بے چینی ہے۔
