-
-
کراچی میں یو آئی ٹی یونیورسٹی میں روبومینیا کے نام سے ربوٹکس مقابلوں کا انعقاد کیا گیا۔ مقابلوں میں 50 سے زائد ربوٹ نے حصہ لیا۔ کراچی کی 10 بڑی جامعات کے طلبہ و طالبات بھی ربوٹکس مقابلے میں شریک ہوئے۔
ربوٹکس مقابلوں میں یونیورسٹی کے مختلف گروپوں کے طلبہ نے روبوٹس کی بہترین پرفارمینس دکھائی، روبوٹس کے درمیان لائن فلونگ ربوٹس، روبوریس اور روبو سومو جیسے زبردست مقابلے کروائے گئے۔
طلبہ نے بلو ٹوتھ الیکٹرانک ایپ سے چلنے والے روبوٹس کے درمیان مقابلہ کروا کے بتا دیا کے پاکستانی طالب علم بھی ربوٹکس کی دنیا میں کسی سے پیچھے نہیں ہیں۔
ربوٹکس مقابلوں میں بحریہ یونیورسٹی نے پہلی، یوآئی ٹی یونیورسٹی نے دوسری اور پی اے ایف کیٹ نے تیسری پوزیشن حاصل کی۔ مقابلہ جیتنے والے طلبہ میں انعامات بھی تقسیم کئے گئے۔
اس موقع پر وائس چانسلر یو آئی ٹی یونیورسٹی ڈاکٹر جوہر علی نے طلبہ کاوشوں کو سراہا، انکا کہنا تھا کہ اچھا انجینئر بننے کے لئے لازمی ہے کہ جو کتابوں میں پڑھا جائے اس پرحقیقی دنیا میں بھی عمل کرنا سکھایا جائے تاکہ جب طلبہ عملی دنیا میں قدم رکھیں تو انہیں مشکلات کا سامنہ نا کرنا پڑے۔
