-
-
بھارت میں کریش لینڈنگ کرنا پائلٹ کا جرم بن گیا۔ طیارے کو نقصان پہنچنے پر انتظامیہ نے پائلٹ کو ہی قصوار دے کر 85 کروڑ روپے ادا کرنے کا حکم دے دیا۔ پائلٹ ماجد نے تحقیقات کا مطالبہ کردیا۔
بھارتی میڈیا کی رپورٹس کے مطابق گوالیار ایئر پورٹ پر کریش لینڈنگ کے دوران طیارہ اور رن وے کو نقصان پہنچا جس پر مدھیہ پردیش کی ریاستی حکومت نے پائلٹ ماجد اختر کو 85 کروڑ کا بل بھیجا ہے۔
ماجد اختر کو جاری کی گئی چارج شیٹ میں دعویٰ کیا گیا ہے کہ کریش لینڈنگ کی وجہ سے 60 کروڑ کا تیار اسکریپ ہوگیا ہے جبکہ رن پر مرمت اور دیگر اخراجات بھی برداشت کرنے پڑے اس لئے ماجد اختر کو 85 کروڑ ادا کرنے ہوں گے۔
دوسری جانب پائلٹ ماجد اختر نے طیارے کا انشورنس نہ ہونے پر تحقیقات کا مطالبہ کیا ہے۔ ماجد اختر کا کہنا ہے کہ انہیں رن وے پر موجود رکاوٹ کے بارے میں آگاہ نہیں کیا گیا جسکی وجہ سے لینڈنگ کے دوران طیارہ حفاظتی باڑ سے ٹکرا گیا۔
واضح رہے ماجر اختر نے اپنے کوپائلٹ کے ساتھ کورونا مریضوں کے ٹیسٹوں کے نمونے اور دوائیں مختلف شہروں میں پہنچانے کے آپریشن میں حصہ لیا تھا۔ وہ مریضوں کے ٹیسٹوں کے نمونے اور کورنا سے متعلق دوائیں لے کر ہی گوالیار پہنچے تھے۔
