-
-
پاکستان کے سب سے بڑے شہر اور معاشی حب کراچی میں کورونا کے وار تھم نہ سکے۔ شہر قائد میں مہلک وبا سے متاثرہ مریضوں کی تعداد میں تیزی سے اضافہ ہور ہا ہے اور گزشتہ 24 گھنٹوں میں کورونا کے مثبت کیسز کی شرح 20.22 فیصد سے بڑھ کر 22.45 فیصد ہوچکی ہے۔
کراچی میں گزشتہ روز 1433 افراد میں عالمی وبا کی تشخیص ہوئی۔ سندھ حکومت نے کورونا پابندیوں اور سختیوں سے بچنے کے لئے عوام سے ایس او پیز پر عمل کرنے اور
احتیاط کرنے کی اپیل کی ہے۔
احتیاط کرنے کی اپیل کی ہے۔
سندھ میں کورونا وائرس کے مریضوں کی تعداد دیگر صوبوں سے زیادہ 4 لاکھ 91 ہزار 743 ہو چکی ہے، جبکہ اس سے کُل اموات 7 ہزار 691 ہو گئیں۔
ملکی سطح پر کورونا کے پھیلاؤ کی شرح6.12 فیصد ہے۔ نیشنل کمانڈ اینڈ آپریشن سینٹر کے جاری کردہ اعداد و شمار کے مطابق گزشتہ روز3019 کورونا کے نئے کیسز سامنے آئے، ملک بھر میں عالمی وبا سے متاثرہ افراد کی تعداد 13 لاکھ 12 ہزار 267 ہوچکی ہے۔
