-
-
متحدہ عرب امارات نے پاکستانی طالبِ علموں کے لیے اسکالر شپ کا اعلان کردیا ہے۔
اسکالرشپ حاصل کرنےوالے طلبا متحدہ عرب امارت کےبہترین تعلیمی اداروں میں تعلیم حاصل کریں گے۔ اس اسکالرشپ کا مقصد پاکستان بالخصوص بلوچستان کے نوجوانوں کو عالمی سطح پر تعلیم حاصل کرنے کے مواقع فراہم کرنا ہے۔
بلوچستان کے مختلف اضلاع سےطلبا کو تحریری امتحانات کے بعد منتخب کیا گیا، منتخب کیے گئے 25 طالبِ علموں میں 5 طالبات بھی شامل ہیں۔ اسکالر شپ حاصل کرنے والے طلبا و طالبات نے اعلیٰ تعلیم کے مواقع فراہم کرنے پر حکومت پاکستان، متحدہ عرب امارات اورپاک فوج ک اشکریہ ادا کیا۔
طلبا وطالبات کہنا تھا کہ یہ اسکالرشپ ان کے تعلیمی سفر میں ایک سنگِ میل کی حیثیت رکھتا ہے، وہ اس موقع سے مستفید ہو کے اپنے ملک اور صوبے کا نام روشن کریں گے۔
