-
-
گورنر سندھ کامران ٹیسوری نے کراچی میں فیل ہونے والے انٹر کے طلبا کی اسکروٹنی فیس خود دینے کا اعلان کردیا۔
تفصیلات کے مطابق کراچی کے طلباء کو میٹرک اور انٹر میں فیل کرنے کے معاملے کی انکوائری کرنے گورنر سندھ خود انٹر بورڈ پہنچے، چئیرمین انٹر بورڈ سے ملاقات میں نتائج پر تشویش کا اظہار کرتے ہوئے معاملے کی رپورٹ طلب اور ذمے داروں کا تعین کرنے کی ہدایت کردی ، اسکروٹنی فیس بھی خود دینے کا اعلان کردیا۔
گورنرسندھ نے کراچی کےسرکاری کالجوں کے پرنسپلز کو اعلیٰ ثانوی تعلیمی بورڈ سے رابطہ کرنے کا مشورہ دے دیا۔ کامران ٹیسوری کا کہنا ہےکہ جن کالجز کے پرنسپلز اپنے طلبہ کے نتائج سے مطمئن نہیں وہ اعلی ثانوی تعلیمی بورڈ سے رجوع کریں، تاکہ طلبہ کی جائزشکایات کا ازالہ کیا جائے۔
گورنرسندھ کا کہنا تھا کہ کمشنر کراچی بیس روز میں پیپرز کی مکمل اسکروٹنی کروائیں گے اسکروٹنی کا عمل شفاف ہوگا، جس کی غلطی ہوگی اس کے خلاف کارروائی ہوگی۔
کراچی میں دل دہلا دینے والے خودسوزی کے واقعے کی مذمت کرتے ہوئے انھوں نے اعلان کیا کہ اگر کوئی بھی شخص بچوں کی تعلیم ، علاج یا روزگار کے حوالے سے تنگ ہے تو میرے پاس آجائے، مدد کریں گے لیکن خودسوزی نہ کرے۔
اس سے قبل معاملے پر ایک تحقیقاتی کمیٹی بھی بنائی جاچکی ہے ، جو نتائج کے حوالے سے طلبہ کی شکایات کا جائزہ لے گی
