-
-
کراچی کے علاقے گلستان جوہر میں راہ چلتی خاتون کے ساتھ نازیبا حرکات کرنے اور خاتون کو ہراساں کرنے والے ملزم کا خاکہ تیار کرلیا گیا۔
کراچی کے علاقے گلستان جوہر میں خاتون کو ہراساں کرنے والے ملزم کا خاکہ تفتیشی ٹیم نے تیار کر لیا ہے، تفتیشی حکام کا کہنا ہے کہ یہ خاکہ 60 فی صد تک ملزم سے مشابہت رکھتا ہے۔
میڈیا رپورٹس کے مطابق تفتیشی حکام کے مطابق اسکیچ میں ملزم کے قد سمیت دیگر تفصیلات ہیں، خاکے کی مدد سے ملزم کی گرفتاری کی کوششیں تیز کر دی گئی ہیں، تاہم تاحال کسی بھی شخص نے ملزم کو شناخت نہیں کیا۔
تفتیشی حکام کا کہنا ہے کہ گزشتہ روز شہریوں نے 3 افراد کی نشان دہی کی تھی، تینوں افراد سے تفتیش کی گئی لیکن تفتیش کے بعد انھیں رہا کر دیا گیا، نیز، واقعے سے متعلق اب تک 300 افراد کے بیانات قلم بند کیے جا چکے ہیں۔
واضح رہے گزشتہ روز پولیس نے ملزم کی نشاندہی کرنے والے شخص کو 2 لاکھ روپے انعام دینے کا بھی اعلان کیا تھا جبکہ خاتون کی نشاندہی کرنے والے کو ایک لاکھ روپے دینے کا اعلان کیا گیا ہے۔
