-
-
وزیراعلی سندھ مرادعلی شاہ نے گھوٹکی اور کشمور اضلاع کے کچے میں قائم پولیس چوکیوں کا معائنہ کیا اور کچے میں تعینات پولیس اہلکاروں سے ملاقات بھی کریں گے۔
جیو نیوز کی رپورٹ کے مطابق اوباڑو میں حفاظتی بند پر قائم پولیس چوکی پر میڈیا سے گفتگو کرتے ہوئے وزیرِ اعلیٰ سندھ نے کہا کہ کچے میں تعینات پولیس کے لیے الاؤنس دیا جائے گا۔
انہوں نے کہا کہ پولیس کی تمام ضرورتیں پوری کر دی ہیں، گھوٹکی کے 70 کلو میٹر تک 140 پولیس چوکیاں قائم کی ہیں، ضلع گھوٹکی میں اس وقت ایک بھی اغوا برائے تاوان کا مغوی نہیں۔
مراد علی شاہ کا کہنا ہے کہ گزشتہ سال گھوٹکی پولیس نے 70 ڈاکو مارے اور 40 افراد کو اغواء ہونے سے بچایا، 30، 35 ہزار کمانے والا غریب کیا تاوان ادا کر سکتا ہے؟ وزیرِ اعلیٰ نے کہا کہ وزارت داخلہ سے بات چل رہی ہے جدید ہتھیار بھی مل جائیں گے۔
وزیراعلی مراد علی شاہ کا یہ بھی کہنا ہے کہ کشمور سے اغواء ہوئے اقلیتی برادری کے دو افراد کو جلد بازیاب کر الیا جائے گا۔ کچے کے ڈاکو اب آخری سانسیں لے رہے ہیں۔
