-
-
شہرقائد میں سرمئی بادلوں سے رم جھم شروع ہوگئی۔ کراچی کے مختلف علاقوں میں بوندا باندی، کہیں ہلکی تو کہیں تیز بارش کا آغاز ہوگیا۔ بارش کا سلسلہ آج شام تک جاری رہے گا۔
اطلاعات کے مطابق شارع فیصل ، پی ای سی ایچ ایس سوسائٹی ، بہاردآباد ، گلش اقبال ، لانڈھی ، کورنگی ، ڈیفنس ، ایم اے جناح روڈ اور اطراف کے علاقوں میں بادل برسے۔ مغربی ہواؤں کے زیر اثر کراچی کے مختلف علاقوں میں کہیں کہیں تیز بارش بھی ہوئی۔
محکمہ موسمیات کے مطابق کمزور مغربی ہواؤں کا سسٹم کراچی پر اثر انداز ہورہا ہے۔ شہرقائد میں اسی سسٹم کے زیراثر کالی گھٹائیں چھائی ہوئی ہیں ۔ رم جھم کا یہ سلسلہ آج دوپہر یا شام تک جاری رہنے کا امکان ہے۔
محکمہ موسمیات کے مطابق شام کے بعد مطلع صاف ہونا شروع ہوجائے گا جبکہ کل سے درجہ حرات میں معمولی کمی بھی متوقع ہے، رات کے وقت ہلکی سردی محسوس کی جائے گی۔
