-
-
کراچی کے علاقے نارتھ کراچی میں راہ چلتی خاتون کو ہراساں کرنے پر پولیس نے مقدمہ درج کر کے ملزم کی تلاش شروع کر دی۔
تفصیلات کے مطابق کراچی کے علاقے نارتھ کراچی سیکٹر گیارہ اے میں راہ چلتی خاتون کو ہراساں کرنے کا مقدمہ درج کرلیا گیا، مقدمہ سرکارکی مدعیت میں سرسید تھانے میں درج کیا گیا۔
پولیس کا کہنا ہے کہ متاثرہ خاتون نےپولیس سے تاحال رابطہ نہیں کیا ، ملزم کن راستوں سے آیا سی سی ٹی وی حاصل کر رہے ہیں، سی سی ٹی وی میں موٹر سائیکل سوارشہری کی نمبرپلیٹ واضح نہیں۔ حکام نے کہا کہ واقعے کی سی سی ٹی وی سےملزم کی شناخت کی کوشش کر رہے ہیں۔
واضح رہے 2 روز قبل نارتھ کراچی میں راہ چلتی خاتون کے ساتھ موٹرسائیکل سوار نے غیراخلاقی حرکت کی اور فرار ہوگیا تھا جسکی ویڈیو سوشل میڈیا پر وائرل ہوئی تھی۔
