-
-
کراچی کے علاقے سعودآباد میں پولیس اور ڈاکوؤں کے درمیان مقابلے کے دوران 4 ڈاکو ہلاک ہو گئے۔ ملزمان اسٹریٹ کرائم کی وارداتوں میں ملوث تھے۔
میڈیا رپورٹس کے مطابق پولیس کا کہنا ہے کہ ہلاک ملزمان دن کے اوقات میں شہریوں سے لوٹ مار کرتے تھے، خفیہ اطلاع پر ملزمان کے خلاف علاقے میں کارروائی کی گئی اور پولیس مقابلے کے دوران 4 ڈاکو ہلاک ہوگئے۔
پولیس کے مطابق ملزمان کے قبضے سے اسلحہ، موبائل فونز اور 2 موٹر سائیکلیں برآمد ہوئی ہیں۔ مقابلے کے دوران ہلاک ڈاکوؤں کی لاشیں بھی اسپتال منتقل کر دی گئی ہیں۔
پولیس کے مطابق میں ایک پولیس اہلکار اور دو شہری بھی زخمی ہوئے ہیں جنہیں طبی امداد کے لیے اسپتال منتقل کر دیا گیا ہے۔ پولیس حکام کا بتانا ہے کہ ڈاکوؤں سے مقابلے میں زخمی اہلکار کی شناخت حنیف کے نام سے ہوئی ہے۔
