-
-
بڑھتی ہوئی مہنگائی سے پریشان کراچی کے شہریوں کیلئے راحت کی خبر آگئی۔ کے الیکٹرک نے فیول ایڈجسٹمنٹ کی مد میں نیپرا کو بجلی سستی کرنے کی درخواست کردی۔ بجلی 4 روپے 21 پیسے فی یونٹ تک سستی ہونے کا امکان ہے۔
میڈیا رپورٹس کے مطابق کے الیکٹرک نے اگست کی فیول ایڈجسٹمنٹ کی مد میں نیپرا سے بجلی 4 روپے 21 پیسے فی یونٹ سستی کرنے کی درخواست کی ہے جس پر نیپرا 29 ستمبر کو سماعت کرے گا۔
نیشنل الیکٹرک پاور ریگولیٹری اتھارٹی (نیپرا) کی جانب سے کے الیکٹرک کی یہ درخواست منظور ہونے کی صورت میں کراچی کے صارفین کو 7 ارب 21 کروڑ 70 لاکھ روپے کا ریلیف ملے گا۔
میڈیا رپورٹس کے مطابق نیپرا کی سماعت کے دوران کے الیکٹرک کی درخواست منظور ہونے کا امکان ہے۔ جسکے بعد کراچی کے شہریوں کیلئے بجلی 4 روپے 21 پیسے فی یونٹ تک سستی کردی جائے گی۔
