-
-
محکمہ ایکسائز سندھ کی جانب سے روڈ چیکنگ مہم 5 جون سے شروع کرنے کا اعلان کیا گیا۔ ٹیکس نادہندہ گاڑیوں سے ٹیکس وصولی کی مہم 16 جون تک جاری رہے گی۔
ایکسپریس نیوز کی رپورٹ کے کے مطابق صوبائی وزیر برائے ایکسائز اینڈ ٹیکسیشن و انسداد منشیات مکیش کمار چاؤلہ نے کہا ہے کہ صوبے بھر میں ٹیکس نادہندہ گان گاڑیوں سے ٹیکس وصولی کی روڈ چیکنگ مہم بروز پیر 5 جون سے شروع ہورہی ہے یہ مہم 16 جون تک جاری رہے گی مہم کا مقصد ٹیکس نادہندہ گان گاڑیوں سے ٹیکس کی وصولی ہے۔
مکیش کمار چاؤلہ کا مزید کہنا تھا کہ ٹیکس نادہندہ گاڑیوں کے مالکان کسی بھی ناخوشگوار صورتحال سے بچنے کے لیے اپنے ٹیکسز فوری جمع کرائیں۔
مکیش کمار چاؤلہ نے کہا کہ کراچی میں روڈ چیکنگ مہم کے لیے 9 ٹیمیں تشکیل دے دی گئی ہیں جو کراچی میں37 مختلف مقامات پر چیکنگ کریں گی۔
صوبائی وزیر برائے ایکسائز اینڈ ٹیکسیشن و انسداد منشیات مکیش کمار چاؤلہ کا کہنا تھا کہ ان مقامات میں کورنگی صنعتی ایریا، بروکس چورنگی، سنگر چورنگی، ڈی ایچ اے قبرستان سن سیٹ بولیوارڈ روڈ شامل ہیں۔
طوبیٰ مسجد، سائٹ ، منگھو پیر روڈ، بنارس چورنگی حب ریور روڈ، مزار قائد، شاہراہِ قائدین، مسلم آباد، گلستان اسکول کھارا در، کیماڑی، کوئنز روڈ، کلفٹن باتھ آئی لینڈ، شاہین کمپلیکس پی آئی ڈی سی شامل ہیں۔
مائی کلاچی بائی پاس، ملیر کنٹونمنٹ، لانڈھی انڈسٹریل ایریا سعود آباد، کھوکھراپار، پی آئی بی کالونی، تین ہٹی، سولجر بازار، لسبیلہ جوہر چورنگی، میٹرو کیش اینڈ کیری، ٹائم اسکوائر، پہلوان گوٹھ، ایف بی ایریا، ناظم آباد، نارتھ ناظم آباد اور نارتھ کراچی پر بھی گاڑیوں کی چیکنگ کی جائے گی۔
