-
-
سوئی سدرن گیس کمپنی کی جانب سے کراچی میں گیس پریشر کو بہتر بنانے کے لیے کاٹھوڑ سے سرجانی تک گیس پائپ لائن منصوبے کا آغاز کردیا گیا ہے۔
ترجمان سوئی سدرن کے مطابق سوئی سدرن گیس کمپنی کے مینجنگ ڈائرکٹر عمران منیار نے ویسٹرن ریجن کو فیس کی فراہمی کے لیے پائپ لائن منصوبے کا افتتاح کیا۔
گیس پائپ لائن منصوبے کے سنگ بنیاد کی تقریب اٹک سیمنٹ پاور پلانٹ کے مین والو اسمبلی پر کی گئی۔ تجویز کردہ منصوبہ آر ایل این جی گیس کو صارفین تک پہنچانے کے لیے بھی فائدہ مند ثابت ہوگا۔
ترجمان کا مزید کہنا ہے کہ گیس پائپ لائن منصوبے سے سائٹ ایریا اور حب ٹاؤن میں گیس کی طلب کو پورا کرنے میں مدد ملے گی۔ گیس منصوبے سے ڈسٹری بیوشن سسٹم کی آپریشنل کارکردگی کو بہتر بنایا جائے گا۔
ترجمان ایس ایس جی سی کے مطابق یہ منصوبہ 12 انچ اور 20 انچ قطر کی لائنوں میں کم پریشر کے مسائل کو حل کرنے میں مدد گار ہوگا۔ منصوبہ 5.1 ارب روپے کی لاگت سے جون 2024 تک مکمل کرلیا جائے گا۔
