-
-
پاکستان کے سب سے بڑے شہر کراچی میں کل بروز پیر 23 مئی سے پولیو مہم کا آغاز ہورہا ہے۔ مہم کے دوران 5 سال کی عمر تک کے 24 لاکھ سے زائد بچوں کو قطرے پلائے جائیں گے، 6 ماہ سے 5 سال کی عمر تک کے بچوں کو وٹامن کی اضافی خوراک بھی دی جائے گی۔
کمشنر کراچی محمداقبال میمن کا کہنا ہے کہ کراچی پولیو ٹاسک فورس نے انسداد پولیو مہم کے انتظامات مکمل کرلئے ہیں، مہم ایک ہفتہ جاری رہے گی اور 29 مئی کو ختم ہوگی۔
محمداقبال میمن کا کہنا ہے کہ تمام ڈپٹی کمشنرز ایمرجنسی آپریشن سینٹر کے ساتھ رابطہ اور تعاون کرکے انتظامات کررہے ہیں، ہر ممکن کوشش کی جائے گی کہ مہم میں بچوں کو پولیو پلانے کا ہدف مکمل ہو تا کہ پاکستان کو پولیو فری ملک بنایا جاسکے۔
کمشنر نے کہا کہ کراچی میں انسداد پولیو کی کوششوں کے مثبت نتائج برامد ہوے ہیں ،انھوں نے کہا رہ جانے والے اور انکار کرنے والے بچوں میں کمی ہوئی ہے، جولائی 2020 سے اب تک کراچی میں پولیو کا کوئی کیس سامنے نہیں آیا۔
اس کامیابی پر انھوں نے دمام ڈپٹی کمنرز، محکمہ صحت، عالمی پارٹنرز اور پولیو ورکرز اور ڈاکٹرز کا شکریہ ادا کیا انھوں نے امید ظاہر کی یہ یہ کوششیں پولیو کے مکمل خاتمہ تک اسی طرح جاری رہیں گی۔
کمشنر کراچی محمداقبال میمن نے والدین سے بھی اپیل کی کہ وہ اپنے بچوں کو پولیو کے قطرے پلائیں اس میں ان ہی کا فائدہ ہے اس سے انسداد پولیو کے قومی مقصد کو پورا کر نے میں مددملے گی۔
