-
-
کراچی کے علاقے کیماڑی میں ٹیلی فون لائن کے مین ہول سے پرانا اسلحہ برآمد ہوا ہے، اسلحہ پرانا، زنگ آلود اور خستہ حالت میں ہے۔
ایس ایس پی کیماڑی کے مطابق ویسٹ وہارف کیماڑی پر پی ٹی سی ایل کے مین ہول سے پرانے اسلحہ سےبھرا بورا برآمد ہوا، مین ہول میں اسلحہ موجودگی کی اطلاع پی ٹی سی ایل ایکسچینج کے ملازم نے دی۔
جیو نیوز کی رپورٹ کے مطابق برآمد اسلحہ میں تین ایس ایم جی رائفل، 12 بور ریپیٹر اور مختلف اسلحہ کی گولیاں شامل ہیں، برآمدہ اسلحہ پرانا، زنگ آلود اور خستہ حالت میں ہے، جسے فرانزک ٹیسٹ کے لئے لیبارٹری بھیجا گیا ہے۔
ٹیلی فون لائن کے مین ہول سے اسلحہ سے بھری بوری برآمد ہونے پر تھانہ ڈاکس میں نا معلوم افراد کے خلاف مقدمہ کا اندراج کرلیا گیا اور پولیس نے واقعہ کی تحقیقات شروع کردی ہے۔
