-
-
کراچی میں ٹریفک پولیس نے موٹرسائیکل چلانے والے شہریوں کو خبردار کیا ہے کہ شہر میں 22 جنوری کے بعد موٹرسائیکلوں پر آگے اور پیچھے نمبر پلیٹ نہ ہونے کی صورت میں چالان نہیں ہوگا بلکہ موٹرسائیکل ہی ضبط کرلی جائیں گی۔
کراچی میں قانون کی خلاف ورزی کرنے والے موٹرسائیکل سوار شہریوں کے لیے ٹریفک پولیس نے ایک اور مہم کا اعلان کردیا جسکے مطابق بغیر نمبر پلیٹ والی موٹرسائیکلیں ضبط کرلی جائیں گی۔
ٹریفک پولیس اعلامئے کے مطابق مہم کا آغاز ہوگیا ہے اور پہلے مرحلے میں 12 سے 22 جنوری تک بغیر نمبر پلیٹ والی موٹرسائیکلوں کے 520 روپے کے چالان کئے جائیں گے۔ ٹریفک پولیس کی جانب سے شہریوں سے کہا گیا ہے 22 جنوری تک ہر صورت موٹرسائیکلوں پر نمبر پلیٹ آوایزاں کی جائیں
Public Awareness Messages #karachitrfficpolice #accident#number plates #trafficmanagement #publicawareness #violation#Motor cycle #roadsafety #trafficrules #helpline1915 #karachi #sindh pic.twitter.com/pUM09rizGn
— Karachi Traffic Police (@Khitrafficpol) January 12, 2024
فیصلے کے مطابق 22 جنوری سے نمبر پلیٹ نہ ہونے پر ٹریفک پولیس موٹرسائیکل ضبط کرلے گی اور نمبر پلیٹ لاکر لگانے تک موٹرسائیکل واپس نہیں کی جائے گی۔
واضح رہے کہ ٹریفک پولیس حکام کی جانب سے اس سے قبل کئی بار ہیلمٹ کا استعمال نہ کرنے والے موٹرسائیکل سواروں کے خلاف بھی مہم چلائی گئی تھی اور ہزاروں چالان بھی کئے گئے تاہم اس طرح کے اقدامات کے باجود آج بھی سڑکوں پر بغیر ہیلمٹ شہری سفر کرتے دکھائی دیتے ہیں۔
