-
-
کراچی کی ایک سیشن عدالت نے ایک شخص کو اپنی بیوی سے بدتمیزی کرنے کے الزام میں تین سال قید کی سزا سنائی ہے، صوبہ سندھ میں کسی بھی شخص کو اپنی اہلیہ کے ساتھ زبردستی کرنے کے کیس میں یہ پہلی سزا ہے۔
دی نیوز کی رپورٹ کے مطابق کراچی میں جاوید نامی ایک شخص نے اپنی بیوی کو غیر فطری جنسی تعلق پر مجبور کیا ہے۔ جو پاکستان پینل کوڈ کی دفعہ 377 (غیر فطری جرائم) کے تحت قابل سزا فععل ہے۔
ایڈیشنل سیشن جج (جنوبی) اشرف حسین خواجہ نے دفاع اور استغاثہ دونوں کی جانب سے شواہد اور حتمی دلائل ریکارڈ کرنے کے بعد فیصلہ سنایا۔
عدالت نے مجرم کو تین سال قید بامشقت کی سزا سنائی اور اسے 30,000 روپے جرمانہ ادا کرنے کا حکم دیا۔ جرمانہ ادا کرنے میں ناکامی کی صورت میں مجرم کو مزید ایک ماہ قید کی سزا بھگتنا ہو گی۔
