-
-
پاکستان کے سب سے بڑے شہر کراچی سمیت سندھ کے 24 اضلاع میں ضمنی بلدیاتی انتخابات کل ہوں گے۔ کراچی سمیت تمام اضلاع میں ضمنی بلدیاتی انتخابات کیلئے انتخابی مہم کا وقت ختم رات 12 بجتے ہی ختم ہوگیا۔
ضمنی بلدیاتی انتخابات کیلئے کراچی شہر کی 11 یوسیز اور 15 وارڈ کی نشستوں پر پولنگ اتوار 7 مئی کو ہوگی۔ ضمنی بلدیاتی انتخابات میں مجموعی طور پر 234 امیدوار مدمقابل ہیں۔
ضمنی بلدیاتی انتخابات کیلئے وارڈز کی 15 نشستوں پر 115 امیدوار جبکہ 11 یوسیز میں 119 امیدواروں کے درمیان مقابلہ ہوگا۔ انتخابات کیلئے پولنگ عملے کو سامان کی ترسیل آج ہوگی۔
واضح رہے کہ سندھ کے 24 اضلاع میں ہونے والے انتخابات کے سلسلے میں پولنگ 7 مئی صبح 8 سے بغیر کسی وقفے کے شام 5 بجے تک جاری رہے گی۔
الیکشن کمیشن نے سیکیورٹی فراہمی کے لیے وزارت داخلہ کو خط لکھا ہے، جس میں کہا گیا ہے کہ کسی ناخوشگوار واقعے کے پیش نظر فورسز کی تعیناتی درکار ہے۔ خط میں کہا گیا ہے کہ رینجرز کی اسٹیک، فوج کی بطور کوئیک رسپانس فورس تعیناتی کی جائے۔
