-
-
پاکستان کے سب سے بڑے شہر اور معاشی حب کراچی میں اسٹریٹ کرائم کا سلسلہ نہ تھم سکا۔ بے لگام اسٹریٹ کرمنلز کے ہاتھوں شہریوں کو نقدی اور موبائل فون سے محروم کرنے کا سلسلہ جاری ہے جبکہ پولیس اب تک کوئی بھی ٹھوس اقدامات نہیں کرسکی۔
کراچی میں شہر گھر کی دہلیز پر بھی غیرمحفوظ ہوگئے۔ ناگن چورنگی کے قریب مسلح افراد نے گھر کی دہلیز پر پہنچتے ہی شہری کے گرد موٹر سائکل کا گھیرا تنگ کرلیا۔ ڈاکوؤں نے اسلحہ کے زور پر شہری کے ہاتھ سے تھیلے میں موجود 6 لاکھ روپے چھینے اور فوری طور پر فرار ہوگئے۔
پولیس نے واقعہ رپورٹ ہونے کے بعد شہری سے نقدی لوٹنے والے مسلح افراد کی تلاش کیلئے تحقیقات شروع کردی ہے۔ ملزمان کی شناخت کیلئے سی سی ٹی وی فوٹج حاصل کی جارہی ہے۔ پولیس ذرائع کے مطابق جلد ہی ملزمان کی شناخت کرکے انکی گرفتاری عمل میں لائی جائے گی۔
کراچی میں ہی اسٹریٹ کرائم کی ایک اور واردات بھی رپورٹ ہوئی بلال کالونی تھانے کے حدود میں واقع مسلح افراد نے چائے کے ہوٹل پر بیٹھے شہریوں کو بھی نہیں بخشا۔ موٹر سائکل پر سوار چار ملزمان 8 شہریوں سے نقدی اور موبائل فون چھین کر باآسانی فرار ہوگئے۔
