-
-
پاکستان کے سب سے بڑے شہر کراچی میں آوارہ کتوں کی شکایت کیلئے ایپ تیار کرلی گئی۔ کتوں کے کاٹنے کے واقعات کی شکایت کے لیے بنائی گئی ہیلپ لائن 1093 بحال کر دی ہے۔
جیو نیوز کے مطابق سندھ ہائی کورٹ میں کراچی میں آوارہ کتوں کے خلاف کارروائی اور ویکسین کی عدم فراہمی سے متعلق درخواست پر سماعت ہوئی۔
پراجیکٹ ڈائریکٹر اینٹی ربیز کنٹرول پروگرام نے عدالت میں جواب جمع کرا دیا جس میں بتایا گیا کہ کتوں کے کاٹنے کے واقعات کی شکایت کے لیے بنائی گئی ہیلپ لائن 1093 بحال کر دی ہے۔
پراجیکٹ ڈائریکٹر اینٹی ربیز کنٹرول پروگرام کے جواب میں بتایا گیا ہے کہ آوارہ کتوں کی شکایت اور کاٹنے کے واقعات سے متعلق شکایت کے لیے موبائل ایپ بھی بنا لی ہے، رمضان کے بعد عوام الناس کیلئے یہ ایپ بحال کر دی جائے گی۔
رپورٹ میں کہا گیا ہے کہ شہری آوارہ کتوں سے متعلق تصویر اور پتے کے ساتھ شکایت کر سکتے ہیں، آوارہ کتوں کو ویکسی نیشن کا سلسلہ جاری ہے۔
عدالت میں جمع کرائے گئے جواب میں بتایا گیا کہ جنوری 2022 سے مارچ 2024 تک 19 ہزار سے زائد کتوں کو ویکسین لگائی گئی، چار اضلاع میں ربیز کنٹرول سینٹرز بنائے گئے ہیں، آوارہ کتوں کی بڑھتی ہوئی آبادی کو کنٹرول کرنے کے لیے قوانین بنا دیے گئے ہیں۔ عدالت نے درخواست کی مزید سماعت 4 مئی تک ملتوی کر دی۔
