-
-
کراچی میں 18ویں انٹرنیشنل بک فیئر کا آغاز آج سے میں ہورہا ہے۔ عالمی کتب میلہ کراچی کے ایکسپو سینٹر ہال میں لگایا گیا ہے۔ بک فیئر 14 سے 18 دسمبر تک جاری رہے گا۔
بُک فیئر کا انعقاد پاکستان پبلشرز اینڈ بک سیلرز ایسوسی ایشن نے نیشنل بک فاؤنڈیشن اور ایونٹ اینڈ کانفرنس انٹرنیشنل پرائیویٹ لمیٹڈ کے تعاون سے کیا ہے۔
ہر سال کی طرح اس بار بھی کتابوں کے اس بین القوامی میلے میں قارئین اور ادب سے محبت کرنے والوں کی بڑی تعداد میں شرکت متوقع ہے۔
کراچی انٹرنیشنل بک فیئر 2005 میں اپنے آغاز کے بعد سے اب تک پاکستان کا سب سے بڑا کنزیومر ٹریڈ فیئر ہونے کا اعزاز حاصل کر چکا ہے۔
یہ ایونٹ پبلشنگ اور ڈسٹری بیوشن ہاؤسز، مقامی بین الاقوامی پبلشرز، بک سیلرز، لائبریرین اور ادارہ جاتی صارفین کو ایک پلیٹ فارم پر اکٹھا کرتا ہے۔
