-
-
محکمہ موسمیات نے گزشتہ روز کراچی کے مختلف علاقوں میں ہونے والی بارش کے اعداد و شمار جاری کردئے۔ محکمہ موسمیات نے شہرقائد میں آج بھی بادل برسنے کی پیشگوئی کی ہے۔
کراچی میں گزشتہ روز مغربی ہواؤں کے زیراثر مختلف علاقوں میں کہیں ہلکی اور کہیں تیز بارش ہوئی جسکے بعد سردی کی شدت بھی بڑھ گئی ہے۔ کراچی میں گلشن اقبال، گلستان جوہر، کلفٹن، گزری، ڈیفنس، خداداد کالونی میں بادل برسے۔
آئی آئی چند ریگر روڈ، صدر، اولڈ سٹی ایریا، پی ای سی ایچ ایس، شاہ فیصل کالونی، ملیر، لانڈھی، کورنگی اور اطراف کے علاقوں میں بارش نے موسم سرد کردیا۔
محکمہ موسمیات کے مطابق کراچی میں سب سے زیادہ کورنگی میں 8.4 ملی میٹر بارش ریکارڈ کی گئی۔ کیماڑی اور فیصل بیس پر 8 ملی میٹر بارش ریکارڈ ہوئی۔
ایئرپورٹ پر 5.5 ملی میٹر، مسرور بیس پر 5 اور یونیورسٹی روڈ پر بھی 5 ملی میٹر بارش ریکارڈ ہوئی۔ سعدی ٹاؤن میں 3 اور جناح ٹرمینل پر 1.4 ملی میٹر بارش ہوئی۔
محکمہ موسمیات نے کراچی میں آج بھی گرج چمک کے ساتھ بارش کی پیش گوئی کی گئی ہے۔ محکمہ موسمیات کے مطابق مغربی ہواؤں کے زیراثر آج بھی شہرقائد کے کچھ علاقوں میں رم جھم اور کہیں درمیانی شدت کی بارش ہوسکتی ہے۔
