-
-
آئی ایم ایف کی جانب سے پاکستان کو قرض کی رقم ملنے کی امید کے بعد ملک میں ڈالر کی قدر میں مسلسل کمی ہورہی ہے اور ملکی معیشیت بھی بہتر ہونے لگی ہے۔
کاروباری مارکیٹ میں آج بھی ڈالر کی قدر میں کمی کا سلسلہ جاری ہا۔ جمعہ کو انٹربینک میں دن کے آغاز میں ہی انٹر بینک میں ڈالر کی 3 روپے 38 پیسے سستا ہوگیا۔
انٹربینک میں ایک ڈالر کی قیمت 215 روپے 50 پیسے ہوگئی ہے۔ اوپن مارکیٹ میں بھی ڈالر کی قیمت 214 روپے سے کم ہوچکی ہے۔
واضح رہے کہ امریکی کرنسی کی قیمت میں انٹربینک میں بلند ترین سطح سے 24 روپے 44 پیسے کی کمی ہو چکی ہے، 28 جولائی کو ڈالر 239 روپے 94 پیسے کی بلند ترین سطح پر جا پہنچا تھا۔
ایکس چینج کمپنیز ایسوسی ایشن آف پاکستان کے جنرل سیکرٹری ظفر پراچہ کے مطابق اسٹیٹ بینک اور دیگر حکومتی اداروں کی عدم توجہی کے باعث انٹر بینک میں بڑے پیمانے پر سٹہ بازی کی وجہ سے ڈالر اس قدر بلندی پر پہنچ گیا تھا۔
ظفرپراچہ کا کہنا ہے کہ حکومتی ادارے اب متحرک ہوگئے ہیں جس کے بعد ڈالر کی قدر میں کمی شروع ہوگئی اور آنے والے دنوں میں ڈالر کی قدر میں مذید کمی کا بھی امکان ہے۔
