-
-
لاہور میں بتی چوک کے مقام پر علاقہ میدان جنگ بن گیا۔ پاکستان تحریک انصاف کے کارکنان اور پولیس کے درمیان تصادم ہوگیا۔ پولیس کی جانب سے شیلنگ کی گئی ۔
لاہور میں پولیس نے پی ٹی آئی کارکنان کو روکنے کے لیے مختلف مقامات پر رکاوٹیں لگا رکھی ہیں جنہیں ہٹانے کے لیے پی ٹی آئی کارکنان بتی چوک پہنچ گئے ۔
بتی چوک پر ڈولفن، اینٹی رائٹ فورس اور مختلف تھانوں کی نفری لاٹھیوں کے ساتھ موجود تھی۔اس دوران خواتین کارکنان نےبھی حکومت مخالف نعرے بازی کی۔
پی ٹی آئی کا رکنان نے جی ٹی روڈ کے علاقے بتی چوک پر لگی رکاوٹوں کو جب ہٹانا شروع کیا تو کارکنان اور پولیس کے درمیان جھڑ پ ہوگئی جس پر پولیس نے پی ٹی آئی کارکنان پر آنسو گیس کی شیلنگ کی۔
پی ٹی آئی کارکنان رکاوٹیں ہٹاکر راوی پل جانا چاہتے ہیں جسے انتظامیہ نے کنٹینر لگا کر بند کررکھاہے تاہم پولیس نے کارکنان کو تقریباً راوی پل سے 100 میٹر پہلے ہی روک لیا۔
پولیس اور پی ٹی آئی کے کارکنان کی جھڑپ کے دوران فی الحال کوئی گرفتاری عمل میں نہیں آئی۔
