-
-
پاکستان تحریک انصاف کے سینیئر رہنما اور سابق وفاقی برائے انسانی حقوق وزیر شیریں مزاری کو اسلام آباد میں انکی رہائش گاہ کے باہر حراست میں لیا گیا ہے۔ شیریں مزاری پر اینٹی کرپشن میں مقدمہ درج تھا۔
میڈیا رپورٹس کے مطابق شیریں مزاری کو اینٹی کرپشن پنجاب نے اسلام آباد پولیس کی معاونت سے تھانہ کوہسار کی حدود میں گرفتار کیا گیا اور انہیں گرفتاری کے بعد تھانہ کوہسار منتقل کیا گیا۔
شیریں مزاری کو تھانہ کوہسار سے ڈیرہ غازی خان منتقل کیا جائے گا۔ ڈیری غازی خان میں شیریں مزاری کے خلاف اینٹی کرپشن میں مقدمہ درج تھا۔
اسلام آباد پولیس نے بھی ڈاکٹر شیریں مزاری کی گرفتاری کی تصدیق کرتے ہوئے کہا ہے کہ کو اینٹی کرپشن ڈپارٹمنٹ پنجاب نے پی ٹی آئی رہنما کو گرفتار کیا ہے۔
دوسری جانب شیریں مزاری کی بیٹی ایمان زینب مزاری کا اس حوالے سے دعویٰ ہے کہ ان کی والدہ کو مرد پولیس اہلکاروں نے مارا، اینٹی کرپشن پنجاب کے مرد پولیس اہلکار شیریں مزاری کو مارتے ہوئے ساتھ لے گئے۔
پی ٹی آئی رہنما افتخار درانی نے شیریں مزاری کی گرفتاری کی تصدیق کرتے ہوئے تمام رہنماؤں کو تھانہ کوہسار پہنچے کی ہدایت کردی ہے۔
سابق وزیرداخلہ شیخ رشید احمد کا کہنا ہے کہ حکومت نے لڑائی کا فیصلہ کرلیا ،شیریں مزاری کی گرفتاری اس سلسلے کی پہلی کڑی ہے۔
