-
-
پاکستان بوٹ ریلی اینڈ فشنگ ایسوسی ایشن کے رکن خالد نے ڈوری کانٹے سے سب سے وزنی مچھلی پکڑنے کا ریکارڈ بنایا ہے۔ بوٹ ریلی اینڈ فشنگ ایسوسی ایشن کے صدر نے مچھلی پکڑنے پر مبارکباد پیش کی۔
ڈوری کانٹے سے مچھلی پکڑنے کے ماہر خالد نے کانٹی نینٹل شیلف کے قریب 210 کلوگرام وزنی مارلن مچھلی پکڑی جسے مقامی لوگ کھڈا مچھلی کہتے ہیں۔ جس مقام پر یہ مچھلی پکڑی ہے یہ وہی مقام ہے جہاں ہمارے خطے کی ٹیکٹونک پلیٹیں ملتی ہیں۔
پاکستان بوٹ ریلی اینڈ فشنگ ایسوسی ایشن کے مطابق اس مچھلی کو پکڑنے میں تقریباً 4 گھنٹے لگے جسکے بعد اسے سمندر سے بوٹ پر اتارا گیا اور خشکی پر لاکر پھر اسکا وزن کیا گیا جس میں اس مچھلی کا وزن 210 کلوگرام پایا گیا۔
پاکستان بوٹ ریلی اینڈ فشنگ ایسوسی ایشن کے مطابق اس دوران دو ارکان عبداللہ اور افضل نے بھی سمندر میں 2 وہیل مچھلیاں دیکھیں جو کراچی سے باہر گہرے سمندر میں 80 کلومیٹر کے فاصلے پر ہے۔
پاکستان بوٹ ریلی اینڈ فشنگ ایسوسی ایشن کے ترجمان کا کہنا ہے کہ گزشتہ برس پاکستان بوٹ ریلی میں تقریباً 1000 ڈولفنز کو کشتیوں کے ساتھ تیراکی کرتے دیکھا گیا۔
احمد معمور امیمی کا کہنا ہے کہ ان سرگرمیوں کو پائیدار سمندری سیاحت میں تبدیل کیا جا سکتا ہے اور اگر مناسب طریقے سے چلایا جائے تو پاکستانی عوام کے لیے روزی روٹی لا سکتے ہیں۔
