-
-
چیئرمین پی ٹی آئی عمران خان کی جانب سے آج جمعہ کی نماز کے بعد ملک گیر احتجاج کیا جائے گا۔ احتجاج کا اعلان پاکستان تحریک انصاف کے رہنما اسد عمر کی جانب سے کیا گیا ہے۔
آج نماز جمعہ کے بعد تمام ملک میں احتجاج ہو گا. جب تک عمران خان کا مطالبہ پورا نہیں ہوتا، ملک گیر احتجاج جاری رہے گا
— Asad Umar (@Asad_Umar) November 4, 2022
سابق وفاقی وزیر اور پاکستان تحریک انصاف کے جنرل سیکریٹری اسد عمر نے ٹوئیٹر پیغام میں لکھا کہ آج جمعہ کی نماز کے بعد ملک بھر میں احتجاج ہوگا اور جب تک عمران خان کا مطالبہ پورا نہیں ہوتا ملک گیر احتجاج جاری رہے گا۔
پاکستان تحریک انصاف (پی ٹی آئی) کے آفیشل ٹوئیٹر اکاؤنٹ سے بھی اسد عمر کے پیغام کو شیئر کیا گیا اور ملک بھر میں تحریک انصاف کے حامیوں اور عوام سے احتجاج میں شرکت کی اپیل کی گئی ہے۔
Secretary General PTI @Asad_Umar announced countrywide protest after Friday prayers. #عمران_خان_ہماری_ریڈ_لاین_ہے #SackGeneralFaisal pic.twitter.com/1Zb3PhU7jB
— PTI (@PTIofficial) November 4, 2022
واضح رہے گزشتہ روز چیئرمین پی ٹی آئی عمران خان سمیت پی ٹی آئی کے متعدد رہنما وزیرآباد میں لانگ مارچ کے دوران قاتلانہ حملے میں زخمی ہوگئے تھے۔
چیئرمین عمران خان لاہور کے شوکت خانم اسپتال میں زیرِ علاج ہیں، اِنہیں مزید اسپتال میں رکھنے یا ڈسچارج کرنے کا فیصلہ آج کیا جائے گا۔
گزشتہ روز بھی عمران خان پر حملے کی خبر آنے کے بعد ملک کے چھوٹے بڑے شہروں میں تحریک انصاف کے حامی سڑکوں پر نکل آئے تھے اور عمران خان پر حملے کے خلاف احتجاج ریکارڈ کرایا تھا۔
