-
-
ایم کیو ایم پاکستان کے رہنما ڈاکٹر خالد مقبول صدیقی کا کہنا ہے کہ انتخابات کا بائیکاٹ تو کردیا اب سڑکوں سے کراچی چلا کر دکھائیں گے۔
اے آر وائی نیوز کی رپورٹ مطابق ایم کیو ایم پاکستان کے رہنما ڈاکٹر خالد مقبول صدیقی نے اپنے بیان میں کہا ہے کہ ہمیں قائد اعظم کا پاکستان چاہئے تھا لیکن بھٹو کے پاکستان میں رہنا پڑ رہا ہے۔
جاگیردارانہ جمہوریت، خاندانی نظام جمہوریت پاکستان کا سب سے بڑا دشمن ہے۔ ہم نے جعلی حلقہ بندیوں والے بلدیاتی انتخابات کا بائیکاٹ کیا، اب سڑکوں سے کراچی چلا کر دکھائیں گے۔
رہنما ایم کیو ایم نے کہا کہ یہاں سچ بھی پورا نہیں بول سکتے کیونکہ ہمیشہ سچ سینسر ہو جاتا ہے، اپنے حصّے سے زیادہ قربانی دے چکے اب بھی صحیح نہیں گنا گیا تو تولنا پڑ جائے گا۔
ڈاکٹر خالد مقبول صدیقی کا کہنا تھا کہ بلدیاتی الیکشن میں شکست جمہوری نظام کوہوئی، حکمرانوں کالاڈلہ کلب جیت گیا، وقت ثابت کرے گا کہ جن ایوانوں میں ہم نہیں ان کی کوئی اوقات نہیں۔
