-
-
وفاقی وزیرخزانہ اسحاق ڈار کے خلاف نیب ریفرنس واپس ہونے کے بعد تمام اکاؤنٹس اور اثاثے بحال کردئے گئے۔
احتساب عدالت نے نیب ریفرنس واپس ہونے کے بعد اکاؤنٹس اور اثاثوں سے متعلق فیصلہ جاری کیا۔ احتساب عدالت نے اس سلسلے میں تحریری حکم نامہ جاری کیا ہے۔
تحریری حکم نامہ جاری ہونے کے بعد وزیر خزانہ اسحاق ڈار کے اثاثوں کی ضبطگی ختم ہو گئی، بنک اکاؤنٹس بھی بحال ہو گئے۔
حکمنامے میں کہا گیا ہے کہ احتساب عدالت نے اثاثے ضبط کرنے کا 2017کا حکم واپس لے لیا۔ اسحاق ڈار کے بینک اکاؤنٹس اور لاہور کا گھر بحق سرکار ضبط کیا گیا تھا۔ اسحاق ڈار کے اثاثے اشتہاری ہونے پر ضبط کئے گئے تھے۔
اسحاق ڈار سرنڈر کر چکے اور ٹرائل دائرہ اختیار ختم ہونے پر ختم ہو چکا۔ پراسیکیوٹر نے بھی کہا عدالت قانون کیمطابق مناسب آرڈر جاری کر دیے۔ اسحاق ڈار کے اثاثوں کی ضبطگی کا آرڈر واپس لیا جاتا ہے۔
