-
-
گزشتہ برس سیکیورٹی کا بہانہ بناکر واپس لوٹنے والی نیوزی لینڈ کی کرکٹ ٹیم ایک بار پھر دورہ پاکستان پر پہنچ گئی۔ نیوزی لینڈ کرکٹ ٹیم کے کھلاڑی کراچی پہنچے ہیں۔
نیوزی لینڈ ٹیسٹ اسکواڈ آکلینڈ سے امارات ایئر کی پرواز سے لگ بھگ 17 گھنٹے سے زائد کا مسلسل سفر طے کرکے آج علی الصباح دبئی پہنچا۔ جہاں سے مہمان ٹیم کے کھلاڑی اور آفیشلز کراچی پہنچے۔
نیوزی لینڈ کرکٹ ٹیم کی آمد کے وقت سیکیورٹی کے سخت انتظامات کئے گئے اور مہمان ٹیم کو مکمل سیکیورٹٰ پروٹوکول میں ایئر پورٹ سے ہوٹل منتقل کیا گیا۔
سیکیورٹی انتظامات کے حوالے سے سندھ پولیس کے خصوصی یونٹ ایس ایس یو اور کراچی پولیس کی جانب سے سخت انتظامات کیے گئے ہیں۔
پاکستان اور نیوزی لینڈ کے درمیان دو میچز پر مشتمل سیریز کا پہلا ٹیسٹ 26 دسمبر کو کراچی میں شروع ہو گا جو 30 دسمبر تک جاری رہے گا۔
دونوں ٹیموں کے درمیان دوسرا ٹیسٹ 3 سے 7 جنوری تک ملتان میں شیڈول ہے جسکے بعد ون ڈے سیریز کے میچز 10 ، 12 اور 14 جنوری کو کراچی میں کھیلے جائیں گے۔
