نادرا کا کراچی میں سب سے بڑا مرکز قائم کرنے کا فیصلہ، یومیہ 10 ہزار افراد وزٹ کرسکیں گے

نیشنل ڈیٹا بیس اینڈ رجسٹریشن اتھارٹی(نادرا) نےکراچی کے ضلع ملیر  میں نادرا کا سب سے بڑا مرکز قائم کرنے کا فیصلہ کیا ہے، اس مرکز میں  یومیہ 10ہزار  افراد وزٹ کر سکیں گے ۔

روزنامہ جنگ کے مطابق  ضلع ملیر میں شہر کا سب سے بڑا مرکز قائم کرنے کا فیصلہ کیا ہے۔ نیا میگا سینٹر 6 ہزار اسکوائر فٹ کے رقبے پر محیط ہو گا اور اس کے لیے تعمیر شدہ بلڈنگ اور متصل اراضی کی تلاش کا کام شروع کر دیا گیا ہے۔ 

رپورٹ کے مطابق یہ مرکز ایسی جگہ قائم کیا جائے گا کہ جہاں پبلک ٹرانسپورٹ کی آسانی تک رسائی ہو۔ شرائط میں یہ بھی شامل ہوگا کہ اوپن اسپیس اتنی بڑی ہو کہ وہاں کم از کم 30 گاڑیاں پارک ہو سکیں۔ بلڈنگ اور اراضی 10 برس کے لیے کرائے پر لی جائے گی۔ 

تعمیر شدہ عمارت کے لیے کچھ شرائط بھی رکھنے کا فیصلہ کیا گیا ہے۔ مجوزہ مرکز روزانہ کی بنیادوں پر بڑے علاقوں کے مکینوں کو خدمات فراہم کرے گا اور محتاط اندازے کے مطابق 10 ہزار افراد یومیہ وزٹ کریں گے۔ دوسری طرف ادارے نے 28 ناکارہ گاڑیوں کی نیلامی کا فیصلہ  بھی کیا ہے۔

Hurmat Majid