-
-
پاکستان کو درپیش مشکل معاشی حالات کے پیش نظر حکومتی جماعت پاکستان مسلم لیگ (ن) کے وزراء نے بغیر تنخواہ کے کام کرنے کا فیصلہ کیا ہے۔
میڈیا رپورٹس کے مطابق وزیراعظم شہباز شریف کی 83 ارکان پر مشتمل وفاقی کابینہ کے ن لیگی ارکان نے وزیراعظم سے ملاقات کر کے بغیر تنخواہ کام کرنے کا کہا ہے۔
وفاقی وزراء نے یہ فیصلہ ملک کو درپیش معاشی مشکل حالات کے پیش نظر قومی جذبے کے تحت کیا ہے۔ مسلم لیگ ن کے وفاقی وزراء اور وزرائے مملکت رضا کارانہ بنیادوں پر کام کریں گے اور تنخواہ نہیں لیں گے۔
واضح رہے وزیراعظم شہباز شریف کی کابینہ میں شامل 34 وزراء میں سے 12 کا تعلق ن لیگ سے ہے اور 7 وزرائے مملکت میں سے 3 مسلم لیگ ن سے تعلق رکھتے ہیں۔
وزیراعظم کی کابینہ میں 38 معاونین خصوصی شامل ہیں جن میں سے وزیراعظم 14 معاونین خصوصی کی بلامعاوضہ کام کرنے کی درخواست منظور کر چکے ہیں۔
