مظفرگڑھ میں دولہا کا زندگی کے خاص دن پر دلہن کے ساتھ پولیس اسٹیشن میں فوٹو شوٹ

مظفر گڑھ میں ایک دولہا زندگی کے خاص دن پر اپنی نئی نویلی دلہن کو لے کر فوٹو شوٹ کروانے تھانے پہنچ گیا۔ سوشل میڈیا پر صارفین نے دولہے کے طرز عمل کو خوب سراہا۔

میڈیا رپورٹس کے مطابق مظفرگڑھ، تھانہ سٹی کی نئی بنی خوبصورت عمارے سے متاثر ہوکر دولہا نے اپنی شادی کی فوٹو گرافی یہیں کروانے کا فیصلہ کیا۔

دولہا عبدالصمد کا کہنا ہے کہ انہوں نے سوشل میڈیا پر تھانے کی نئی عمارت دیکھی پھر بعد میں خود آ کردیکھا تو بیگم سے مشورہ کرکے ایس ایچ او سے یہاں فوٹوگرافی کی اجازت مانگی۔

فوٹو شوٹ کی اجازت دینے پر پولیس سے اظہیار تشکر کرنے والے دولہا نے کہا کہ ایس ایچ او خرم ریاض کھر نے فوٹو شوٹ کی نا صرف اجازت دی بلکہ تھانہ کے فرنٹ اینڈ کو خالی کروا کر بہترین پرامن ماحول بھی فراہم کیا جہاں انہوں نے اپنی بیگم کے ساتھ زندگی کے بہترین لمحات کو تصاویر میں قید کیا۔

دولہا کا کہنا تھا کہ تھانہ سٹی مظفرگڑھ کسی بڑے ریسٹورنٹ سے کم نہیں اور انہوں نے یہاں فوٹو شوٹ کروا کر بہت اچھا محسوس کیا۔ پولیس کا خصوصی شکریہ ادا کرنے والے دولہا نے اس تھانے کو اپنے شہر کی ’سب سے خوبصورت عمارت‘ قراردیا۔

Hurmat Majid