-
-
پاکستان کے سب سے بڑے شہر کراچی میں موسم گرما کا آغاز ہوچکا ہے۔ گرمی کی شدت کی ایک لہر شہر کو متاثر کرچکی ہے۔ محکمہ موسمیات نے رمضان المبارک میں بھی کراچی کا موسم گرم رہنے کی پیشگوئی کردی ہے۔
چیف میٹرلوجسٹ سردار سرفراز کے مطابق شہر قائد میں رمضان المبارک کے دوران موسم گرم اور مرطوب رہے گا۔ کراچی میں حالیہ دنوں میں گرمی زور پکڑ رہی ہے لیکن سمندری ہوائیں چلنے کےباعث اسکی شدت زیادہ محسوس نہیں کی جارہی۔
محکمہ موسمیات کے مطابق 23 مارچ کے بعد کراچی کا موسم بتدریج گرم ہوتا جائے گا۔ رمضان المبارک کے دوران بھی کراچی کے شہریوں کو گرم موسم کا سامنا کرنا پڑے گا۔
موسم گرما کے پیش نظر چیف میٹرلوجسٹ نے شہریوں سے احتیاطی تدابیر اختیار کرنے کی اپیل کی ہے اور روزے کے حالت میں غیر ضروری گھروں سے نہ نکلنے کا مشورہ دیا ہے۔
