-
-
پاکستان میں کورونا کے بڑھتے کیسز کے پیش نظر نیشنل کمانڈ اینڈ آپریشن سینٹر نے محرم الحرام کے حوالے سے خصوصی ہدایات جاری کردیں۔ این سی او سی ہر مجلس میں ایس او پیز پر عملدآمد یقینی بنانے کی ہدایت کی ہے۔
این سی او سی کی جاری کردہ ہدایات کے مطابق مجلس اور جلوس کے کے دوران سماجی فاصلہ برقرار رکھنا لازمی ہے۔ جبکہ شرکاء کیلئے ماسک پہننا اور سینٹائزر کے استعمال کو بھی لازم قرار دیا گیا ہے۔
این سی او سی کا کہنا ہے کہ مجالس میں شریک ہونے کے لیے ویکسینیٹڈ ہونالازمی ہے جبک مجلس کے انعقاد کا مقام کھلا اور کشادہ ہونا چاہیے جہاں وینٹیلیشن کے مناسب انتظامات ہوں۔
ایں سی این سی نے بتایا کہ مجالس اور جلوسوں کے دوران ماسک پہننا اور سماجی فاصلہ برقرار رکھنا لازمی ہے جبکہ 65 سال کے بزرگ حضرات اور بچے گھر سے مجلس سنیں۔
مجالس اور عزاداری کے جلوس کے داخلی دروازوں پر ماسک اور سنیٹائزر کے استعمال کو یقینی بنانے کے حوالے سے بھی ہدایات جاری کی گئیں ہیں۔
اعلامیے میں یہ بھی کہا گیا ہے کہ مجالس کے اوقات کار کم کیے جائیں اور مجلس سے پہلے فرش دھویا جائے۔ محرم کے دنوں میں عزاروں کے لیئے ڈسپوزیبل برتنوں میں نیازتقسیم کرنے کی بھی ہدایات جاری کی گئیں ہیں۔
