-
-
وزیراعظم شہباز شریف نے لیفٹننٹ جنرل سید عاصم منیر کو چیف آف آرمی اسٹاف تعینات کرنے کیلئے سمری صدر پاکستان ڈاکٹر عارف علوی کو بھجوادی ہے۔ جنرل سید عاصم منیر پاکستان کے 17ویں آرمی چیف ہوں گے۔
لیفٹننٹ جنرل سید عاصم منیر حافظ قرآن ہیں۔ انہوں نے مدینہ منورہ میں تعیناتی کے دوران 38 سال کی عمر میں قرآن پاک حفظ کیا تھا۔
لیفٹیننٹ جنرل عاصم منیر نے منگلا میں آفیسرز ٹریننگ اسکول پروگرام کے ذریعے پاک فوج کی فرنٹیئر فورس رجمنٹ میں کمیشن حاصل کیا اور اُس وقت کے کمانڈر 10 کور جنرل قمر جاوید باجوہ کے ماتحت بطور بریگیڈیئر شمالی علاقہ جات فورس کمانڈ کی۔
لیفٹیننٹ جنرل عاصم منیر کو 2017ء کے اوائل میں ڈی جی ملٹری انٹیلی جنس تعینات کیا گیا۔ اکتوبر 2018 ء میں لیفٹیننٹ جنرل عاصم منیر کو آئی ایس آئی کا سربراہ بنا دیا گیا، تاہم 8 ماہ کی مختصر مدت کے بعد ان کی جگہ جنرل فیض حمید کو ڈی جی آئی ایس آئی مقرر کر دیا گیا۔
بطور لیفٹیننٹ جنرل عاصم منیر2 سال تک کور کمانڈر گوجرانوالہ رہے جس کے بعد وہ جی ایچ کیو راولپنڈی میں بطور کوارٹر ماسٹر جنرل اپنی خدمات سر انجام دے چکے ہیں۔
بطور لیفٹیننٹ کرنل مدینہ منورہ میں تعیناتی کے دوران 38 سال کی عمر میں عاصم منیر نے قرآن پاک حفظ کیا اور پہلے آرمی چیف ہوں گے جو حافظ قرآن ہوں گے۔
اسکے علاوہ لیفٹیننٹ جنرل عاصم منیر پہلے آرمی چیف ہوں گے جو ملٹری انٹیلی جنس اور آئی ایس آئی میں رہ چکے ہیں۔ اور اعزازی شمشیر یافتہ بھی پہلے آرمی چیف ہوں گے۔
