-
-
پاکستان کسٹمز انفورسمںٹ کراچی نے موچکو چیک پوسٹ پر کارروائی کرتے ہوئے کراچی اسمگلنگ کی کوشش ناکام بنادیا۔ غیرملکی سگریٹ اور گٹکے سمیت 4 کروڑ روپے سے زائد مالیت کی اسمگل شدہ اشیاء برآمد ہوئیں۔
ایکسپریس نیوز کی رپورٹ کے مطابق کسٹمز اینٹی اسمگلنگ آرگنائزیشن کو کوئٹہ سے بھاری مقدار میں اسمگل شدہ اشیا کو کراچی پہنچانے کی اطلاع موصول ہوئی جسکے بعد خصوصی ٹیم تشکیل دی گئی اور آر سی ڈی ہائیوے کے مختلف حصوں میں سادہ لباس اہلکار تعینات کیے گئے جنھوں نے کوئٹہ سے آنے والی بسوں ٹرکوں اور ٹرالرز کی سخت نگرانی کی۔
گزشتہ شام حکام کو کوئٹہ سے آنیوالی بس مشکوک نظر آئی کیونکہ اس بس پر اے ایف آر 2023 کی نمبر پلیٹ لگی ہوئی حکام نے اس بس کو روک جب اس میں بنے ہوئے خفیہ خانوں کی تلاشی لی تو بس سے مجموعی طور پر 4 کروڑ 16 لاکھ مالیت کی اسمگل شدہ برآمد ہوئیں،
برآمد ہونے والی اشیا میں مختلف غیرملکی برانڈز کی 22 ہزار 540 پیکٹ سگریٹس، انڈین گٹکے کے 59 ہزار 600 پاؤچز، انڈین نسوار کے 2600 پاؤچز اور 2 کلو مضر صحت چھالیہ برآمد کی گئی۔
