-
-
کراچی شہر میں اس سال سب سے بڑی مویشی منڈی کا مقام تبدیل کردیا گیا ہے۔ رواں سال سپرہائی وے کے بجائے ناردرن بائی پاس پر مویشی منڈی لگائی گئی ہے۔
شہرقائد میں ناردرن بائی پاس پر مویشی منڈی لگنے کے بعد منڈی جانے والے شہریوں سے لوٹ مار کی خبریں سوشل میڈیا پر شیئر کی گئیں۔
گزشتہ روز کراچی سے تعلق رکھنے والے معروف اداکار ولی شیخ نے بھی سوشل میڈیا پر ایک ویڈیو شیئر کی جس میں انہوں نے مویشی منڈی کے قریب اسٹریٹ کرائم کا شکار ہونے سے متعلق آگاہ کیا۔
ALERT | Famous comedian Wali Sheikh looted at Karachi’s Northern bypass. #Karachi #TOKAlert pic.twitter.com/hMhSLClZ3q
— Times of Karachi (@TOKCityOfLights) June 4, 2023
ناردرن بائی پاس مویشی منڈی کے ترجمان یاور چاولہ نے نادرن بائی پاس پر شہریوں کے لٹنے کی خبروں کو بے بنیاد اور من گھڑت قرار دیتے اسے سوچی سمجھی سازش قرار دیا ہے۔
ترجمان یاور چاولہ نے اپنے ایک بیان میں اداکار ولی شیخ کے ساتھ ڈکیتی کے واقعہ کی وضاحت کرتے ہوئے کہا کہ اداکار کے ساتھ اسٹریٹ کرائم کی واردات مویشی منڈی نادرن بائی پاس کے قریب پیش نہیں آئی۔
ترجمان کا کہنا ہے کہ ولی شیخ نے جس تھانے میں درخواست جمع کرائی وہ مویشی منڈی کے سے 8 سے 12 کلو میٹر دور ہے، ولی شیخ کے ساتھ چھینا جھپٹی کا واقعہ ٹول پلازہ انڈس گارڈن کے پاس پیش آیا ہے، ہم اصل حقیقت جاننے کے لیے اسٹیج اداکار ولی شیخ سے رابطے میں ہیں۔
ترجمان یاور چاولہ کے مطابق نادرن بائی پاس مویشی منڈی آنے اور جانے والے دونوں راستوں پر پولیس اور رینجرز تعینات ہے۔
ترجمان یاور چاولہ نے دعوٰی کیا ہے کہ نادرن بائی پاس مویشی منڈی کے قریب ڈکیتی کی افواہیں غیرقانونی مویشی منڈیاں لگانے والوں کی طرف سے پھیلائی جارہی ہیں۔
یاور چاولہ نے کہا ہے کہ نادرن بائی مویشی منڈی کے چند کلو میٹر کے فاصلے پر احسن آباد میں غیر قانونی مویشی منڈی قائم ہے، احسن آباد میں غیر قانونی مویشی منڈی کے ترجمان گروپ میں اس طرح کے مواد کو پھیلایا جاتاہے۔
کراچی کے مختلف علاقوں میں قائم غیرقانونی مویشی منڈیوں کو تقویت دینے کے لیے غلط خبریں پھیلائی جارہی ہیں۔ کراچی میں غیر قانونی مویشی منڈیاں احسن آباد،گلشن معمار،فیڈرل بی ایریا،نارتھ کراچی کے کئی مقامات پر قائم ہیں اور ان منڈیوں کی نشاندہی کرچکے ہیں۔
ترجمان یاور چاولہ کا کہنا ہے غریب آباد پنجرہ مارکیٹ کے پاس لگنے والی غیرقانونی مویشی منڈی ایک ہفتے سے قائم ہے اور یہ منڈی سندھ حکومت کی رٹ کو چیلنج کیے یوئے ہے۔
نارتھ کراچی مسلم ٹاون میں بھی غیرقانونی مویشی منڈی قائم ہوچکی ہے۔ نارتھ کراچی غیر قانونی مویشی منڈی کا گڑھ بن گیا، سیکٹر الیون ٹاون پلازہ کے سامنے غیرقانونی مویشی منڈی قائم۔کردی گئی ہے
یاور چاولہ کے مطابق نارتھ کراچی میں شہر کے وسط میں قائم قائم غیر قانونی مویشی منڈی سیکٹر الیون کے ذیشان پارک میں لگائی گئی ہے۔ رہائشی ہلازہ کے سامنے قائم مویشی منڈی سے روزانہ تین ہزار بھتہ بھی نارتھ کراچی پولیس کو جاتاہے
نادرن بائی پاس مویشی منڈی کے ترجمان یاور چاولہ نے سوال کیا کہ ان غیر قانونی مویشی منڈیوں کی سرپرستی کون کر رہاہے۔
