-
-
عیدالاضحٰی پر تمام سرکاری و نجی بینک کی تعطیلات میں ردو بدل کردیا گیا۔ تمام بینکس 28 جون سے 30 جون تک بند رہیں گے۔ تعطیلات سے متعلق نیا اعلامیہ جاری کردیا گیا۔
اسٹیٹ بینک سے جاری پریس ریلیز کے مطابق بینکس عیدالاضحیٰ کے موقع پر 28 تا 30 جون 2023ء (بروز بدھ تا جمعہ) عام تعطیلات کے سبب بند رہیں گے۔
واضح رہے اس سے قبل 21 جون کو اسٹیٹ بینک آف پاکستان کی جانب سے جاری اعلامیے میں کہا گیا تھا کہ ملک بھر کے تمام سرکاری و نجی و مائیکرو فنانس بینکس 29 اور 30 جون کو بند رہیں گے تاہم اس اعلامیئے کو منسوخ کردیا گیا ہے۔
واضح رہے کہ پیر کو بھی نئے مالی سال کے آغاز پر بینکس عوامی لین دین کے لیے بند ہوں گے جبکہ منگل چار جولائی سے تمام سرکاری و نجی بینکس اور مائیکرفنانس ادارے معمول کے مطابق کھلیں گے۔
