-
-
پاکستان تحریک انصاف کے سینیئر رہنما اور سابق گورنر سندھ عمران اسماعیل نے پٹرولیم مصنوعات کی قیمتوں میں ایک ہفتے میں دو بار اضافے پر سخت تنقید کا نشانہ بنایا ہے۔ سابق گورنر سندھ نے وزیرخزانہ مفتاح اسماعیل کو عوام کی بھلائی کیلئے عہدہ چھوڑنے کا مشورہ دیا ہے۔
سماجی رابطے کی ویب سائٹ ٹوئٹڑ پر اپنے جاری کردہ ٹوئٹ پیغام میں عمران اسماعیل نے لکھا کہ امپورٹڈ حکومت کے نالائق اور نااہل کٹھ پتلی وزراء اپنے تجربے غریب عوام پر کررہے ہیں، بجلی پیٹرول کے بعد گیس کی قیمتوں میں اضافہ شرمناک عمل ہے۔
عمران اسماعیل نے مزید لکھا کہ آئی ایم ایف نے جھکنے کا کہا تو مفتاح اپنے باسز سمیت لیٹ ہی گئے۔ مفتاح اسماعیل فوری طور مستعفی ہوکرعوام کو تھوڑا رلیف دے سکتے ہیں۔
واضح رہے کہ حکومت نے بجلی اورپیٹرولیم مصنوعات میں اضافے کے بعدگیس کی قیمتوں میں بھی بڑا اضافہ کرنے کا فیصلہ کرلیا ہے۔ آئل اینڈ گیس ریگولیٹری اتھارٹی ( اوگرا) نے گیس کی قیمت میں 45 فیصد اضافے کی سمری وفاقی حکومت کوبھجوا دی ہے۔
اوگرا نے سوئی نادرن کے لیے گیس کے ٹیرف میں 45 فیصد اورسوئی سدرن کے لیے 44 فیصد اضافے کی منظوری دے دی ہے۔
