-
-
معروف ٹی وی اینکر اور سابق رکن قومی اسمبلی عامر لیاقت حسین کی تیسری اہلیہ کے خلاف نازیبا ویڈیو وائرل کرنے پر کارروائی کی درخواست دائر کردی گئی۔
کراچی کی ڈسٹرکٹ سیشن کورٹ جنوبی کی عدالت میں سماجی تنظیم کی جانب سے عامرلیاقت کی تیسری اہلیہ دانیہ شاہ کے خلاف درخواست دائر کی گئی۔
درخواست گزار نے موقف اختیار کیا کہ دانیہ شاہ نےعامر لیاقت کی نجی ویڈیوزسوشل میڈیاپر وائرل کیں۔ معمولی تنازع پرويڈيوز وائرل کرنے پرانہيں سزا ملنی چاہيے۔
وکیل جمیل ورک ایڈووکیٹ کے توسط سے دائر کی گئی درخواست میں مؤقف اپنایا گیا ہے کہ عدالت وفاقی تحقیقاتی ادارے (ایف آئی اے) کو دانیہ شاہ کے خلاف سائبر کرائم کے تحت کارروائی کا حکم دے۔
دانیہ شاہ نے عامر لیاقت کی نازیبا ویڈیوز سوشل میڈیا پر وائرل کیں۔ دانیہ نے پوری دنیا میں پاکستان کی عورتوں کی عزت مجروح کی ہے۔
درخواست میں مزید کہا گیا ہے کہ دانیہ شاہ کی حرکت کی وجہ سے پاکستانی عورتوں کے سر شرم سے جھک گئے۔ معمولی تنازع پر اپنے شوہر کی نازیبا ویڈیوز وائرل کرنے کی سزا دانیہ کو ملنی چاہیے۔
واضح رہے کہ دانیہ شاہ نے اپنے شوہر عامر لیاقت کی نازیبہ ویڈیوزسوشل میڈیا پر شئیر کیں تھیں۔ جسکے بعد عامر لیاقت حسین شدید ذہنی دباؤ کا شکار تھے، انہوں ملک چھوڑنے کا بھی اعلان کیا تھا لیکن 9 جون کو وہ اچانک انتقال کرگئے۔
