-
-
شہراقتدار اسلام آباد کے علاقے چک شہزاد میں قتل کی واردات ہوئی۔ مبینہ طور پر صحافی ایاز امیر کے بیٹے شاہنواز نے اپنی 37 سالہ اہلیہ سارہ کو قتل کردیا۔ پولیس کی جانب سے تفتیش جاری ہے۔
اسلام آباد پولیس کی جانب سے جاری کی گئی تفصیلات کے مطابق تھانہ شہزاد ٹاؤن کے علاقے چک شہزاد میں قتل کی واردات ہوئی۔ شاہنواز نامی شخص نے اپنی بیوی سارہ کو گھر میں ہی قتل کردیا۔
تھانہ شہزاد ٹاؤن کے علاقہ چک شہزاد میں قتل کی واردات کا معاملہ۔
شاہ نواز نامی شخص نے اپنی بیوی سارہ کو گھر میں قتل کیا۔
پولیس کے سینئر افسران اور فارنزک ٹیمیں موقع پر موجود ہیں۔
وقوعہ کی تفتیش جاری ہے اور جو بھی حقائق سامنے آئیں گے وہ شئیر کئے جائیں گے۔#ICTP #IGP
— Islamabad Police (@ICT_Police) September 23, 2022
اسلام آباد پولیس کا کہنا ہے کہ پولیس کے سینیئر افسران اور فارنزک ٹیمیں موقع پر موجود ہیں اور جائے وقوعہ پر تفتیش کا سلسلہ جاری ہے۔
پولیس کی جانب سے جاری کئے گئے پیغام کے مطابق تفتیش کے بعد جو بھی حقائق سامنے آئیں گے وہ میڈیا سے شیئر کئے جائیں گے۔
میڈیا رپورٹس کے مطابق مقتولہ سینیئر صحافی ایاز امیر کی بہو ہیں۔ شاہنواز سینیئر صحافی ایاز امیر کے بیٹے ہیں۔ ایاز امیرضلع چکوال کے منجھے ہوئے صحافی ،سیاست دان اور کالم نگار ہیں۔
