-
-
پاکستان کے سب سے بڑے شہر کراچی میں یوم عاشور کے مرکزی جلوس کی سیکیورٹی کیلئے بند کی جانے والی ایم اے جناح روڈ اور اسکے اطراف کی تمام سڑکیں کھول دی گئی ہیں۔
ایم اے جناح روڈ، صدر، ریگل چوک، پریڈی اسٹریٹ، ٹاور اور اطراف کی سڑکوں اور علاقوں سے کنٹینرز ہٹا دیے گئے ہیں۔ ایم اے جناح روڈ، صدر، کوریڈور تھری آنے اور جانے والے راستوں کو ٹریفک کے لیے بحال کر دیا گیا ہے۔
*الرٹ: سڑک کھل گئی ہے*
*بوقت:* 20 بجکر 19 منٹ
*مقام:* ایم اے جناح روڈ کے تمام کٹ کھول دیئے گئے ہیں
*بوجہ* مرکزی ماتمی جلوس ایرانیاں حسینیہ امام بارگاہ کا اختتام ہو گیا ہے
— Karachi Traffic Police (@Khitrafficpol) July 29, 2023
اسکے علاوہ جناح برج (نیٹی جیٹی فلائی اوور) کو بھی تمام تر ٹریفک کیلئے کھول دیا گیا ہے۔ نیٹی جیٹی برج کو تعزیوں کے گزرنے اور سمندر میں ٹھنڈا کرنے کی غرض سے بند کیا گیا تھا۔
*الرٹ: سڑک کھل گئی ہے*
*بوقت:* 05 بجکر 38 منٹ
*مقام:* جناح برج چاروں اطراف
— Karachi Traffic Police (@Khitrafficpol) July 30, 2023
واضح رہے کہ یومِ عاشور کے مرکزی جلوس کی سیکیورٹی کے باعث ان سڑکوں اور علاقوں کو کنٹینرز لگا کر بند کیا گیا تھا۔ دوسری جانب شہر میں گرین لائن بس سروس کو بھی 3 روز بعد آج بحال کر دیا گیا ہے۔
